Ushtari vret të dashurën, e zbuloi nga Facebook-u se kishte abortuar

BRITANI – Rrjetet shoqërore vijojnë të bëhen shkak i problemeve të shumta sociale, që shpesh degradojnë edhe në krime të rënda.

Një ushtar britanik vrau me thikë të dashurën e tij, pasi zbuloi në profilin e saj në Facebook, se ajo kishte abortuar fëmijën e tyre, pa dijeninë e tij.

Pak përpara se të nisej për një mision ushtarak në Afganistan, 25-vjeçari Ian Lowe hyri fshehurazi në profilin e të dashurës, Leanne McNuf, ku zbuloi se ajo kishte abortuar fëmijën e tyre.

Pasi i kishte komunikuar të dashurit për shtatzëninë e saj, Leanne McNuf kërkoi të ndaheshin, me pretendimin se nuk ishte më e dashuruar pas tij.
Për këtë arsye, 25-vjeçari e kishte dhunuar disa herë vajzën, por këtë herë ai e qëlloi disa herë me thikë, duke e lënë të vdekur.